我應該如何自救？

小酒窝是我

  我一名普通公司技術員。工資不高，幹了一年還要倒欠銀行5千元。不是我亂洗錢，是家庭開銷大，供樓、伙食費、子女讀書，我老婆和我工作一年都沒錢剩。
     我好想轉工，我真的十分不喜歡這份工作。沒前途，沒錢，長期上夜班通宵。近幾個月脾氣變得好暴躁，戴著佛牌(龍婆pu必打)都駡人，在公司罵人，講話句句帶粗口，回家小朋友一不聽話我就打。我知道系唔好，每次我都會後悔，但後悔完又繼續，就是控制不了，我怕我會變成魔鬼。
     每天睡覺都會惊醒，想到自己36歲了一事無成，錢又无，幹什麼都不順利，去年還被網絡騙子騙了一萬，人生長期處於谷底，感覺人生沒什麼希望。
     好厭倦這樣的生活，我唔想這樣一世，我要自救。
1.請問一下曾經在谷底的你們，是通過什麼方法，什麼心態才能谷底反彈？
2.我是不是應該轉工作？
3.有什麼佛牌佩戴后，會使佩戴者變得冷靜,不衝動？
4.我懷疑自己好像被鬼搞，每次我干一件事，快要成功的時候就會有阻滯或直接失敗，沒理由三番四次都這樣。有什麼方法可以測試被鬼搞？
5.有什麼方法可以守財？从2015年開始到現在，就開始漏財，被騙，做生意虧錢，炒股虧錢，經常失業。
麻煩師兄師姐給我一些意見，謝謝。

放下啦

師兄36歲好年輕，大把世界，但係要自問，努力夠唔夠先？ 其實評估好簡單，當自己係老闆，肯唔肯用同樣工資，聘請自己同樣水平既人。

師兄做技術員，學歷高唔高先？ 如果無學歷，起碼大學本科，Poly高級文憑就唔多夠，咁好難有職升。

老闆好簡單，對唔熟悉的人，會認為本科肯定醒過High Dip，起碼學歷比賽，就跑左出來先，如果兩個一起競爭，又差唔多，就選Degree仔先，人之常情。

技術員工作比較輕鬆，壓力低，工資當然唔會高，高工資的技術性工作，例如4-5萬左右的，壓力大到飛起，行路都要跑的，否則唔夠時間做完每天工作。

以前我做半導體，坐我隔離的PIE同事，就系咁，負責成個部門，下屬出事，就系自己要負責既事，日日打仗咁，天下無免費午餐的，食得鹹魚抵得渴嘛。

放下啦

欲為龍象，先做牛馬，想有前途，要把成個部門野，都搞到好熟悉好掂，一個部門有好多個section，當22歲出來做野，一個部門有5個section，咁全部學完，每個section都3年，都要15年，而且要做得好好，先有機會升到部門經理。

如果半桶水，老闆唔係傻的，肯定外面請得既返來，唔會升人上來，搵自己笨。

想升職，一定要人緣好，個個同事話OK，老闆一般會四維問人，呢位能力得唔得，夾唔夾到大家，肯唔肯付出，先會考慮內部提升的，如果成日同人吵，唔禮貌，肯定唔得既，一定要注意。

發脾氣係人之常情，人人都會，但係忍耐得到，先係考驗真功夫，唔系人人都做到。

其實好多野系心態驅使，我以前公司開新廠，新廠就有好多新職位，想提供機會給一個工程師，佢都有30歲囖，當然我唔會先話佢知道，就先派佢先去負責一個小組，結果有一日，星期五，佢來同我講，話有個測量溫度既日本膠水，已經用完，星期一客人來驗貨，會有影響。

我問佢，咁點解決，佢話系驗貨員既事，我心裡已經扣佢分，然後問佢，明天星期六，去電子市場買，應該趕得切，佢話無理由佢去買，唔係佢責任來，咁我話好，我星期六休息，我自己去買。 咁佢就失去左由技術轉入管理的機會，做技術一般做好自己就得，做管理就要發揮小組的力量，做組長更要肯吃虧多做，要求唔同，思維亦唔同，如果用舊方法，應付新職位，新要求，肯定撞板的。

放下啦

春生夏長，秋收冬藏，跌落谷底，人人都會有的，人生必經之路啦。 如果春下無做準備，咁秋就無收穫，冬就係谷底。冬天總會過去的，關鍵係要改變自己，唔再重復。跳出谷底，系要比人做多d，比人做得好，要人地有着數，先會提供機會。呢個同位置唔好既鋪頭，d野要賣平d，人地先肯多走幾步，過來幫襯一樣的。

轉工嘛，當然可以的，搵到新的先轉，不過如果係自己問題，轉几多份工，都系面對同一樣既問題，如果係咁，做生不如做熟，其實宜家街上好多鋪都無人租，旺角都係咁，即係經濟唔得，好多人還失業，不如調整心態，做好份工，等待時機。

師兄可以試下戴魯士，提升智慧，自己努力d，唔計較就唔會發脾氣的，看唔明白先會驚，看得明白唔會驚的。

放下啦

師兄話懷疑被鬼搞，多數都唔係，如果堅持，可以搵師傅幫忙看一看的，通常唔成功，都係努力唔夠多d，同考試分數唔高，同平時無溫書習慣，靠前一晚先來溫書關係大d。

打仔就唔好的，其實系遷怒于人既表現，對自己家人發脾氣打人，不如去跑兩個圈冷靜一下先。如果打家人贏左，結果家庭破碎左，打人的目的又在哪裡？

守財更簡單，節儉一點，每個月出糧，先轉生活費過父母，同先存2千，剩下的生活用，當工資就係得咁多，需要多d，去搵兼職。 投資理財系要自己學的，靠人做投資理財，咁財不理你，損失系大概率事件啦。

希望提供的經驗，對師兄有幫助。

放下啦

我見人見得多，日日系度講公平既，唔使問阿貴，佢成就一定系唔高既，

歌仔都有得唱，邊有半斤八兩咁理想，

李超人都話，同人合作，自己拿利益8成都得，但係佢拿6成，所以好多朋友搵佢合作做野，自己讓利吃虧少少，人地有著數，自然朴埋來求合作，咁機會就有好多。機會等唔到架，系要人地俾架，呢個係我經驗來。

Zodiac

1. 我最近的事8月26日，我19歲確診左1型糖尿病，但係過左2星期了，已經開始習慣，心態都慢慢轉返正常，因為多謝返呢個病，令我宜家生活每日都要有規律，食得更更更加健康並且每日夜晚都開始做最少30分鐘運動，其實返事都有好壞，唔好太灰，你試唸下其實現況都未算太差，最起碼衣食住都有有，其實你都已經係人生大贏家，致於脾氣暴躁我同你一樣，其實我個病中六DSE個段時間開始就有，但係我唔知，其實我感覺我自己變得唔多對路，但都無唸太多，自從個段時間開始，我變得好容易煩躁，別人問下野我都會開始煩躁好唔耐煩，呢個我真系改唔到，唯有平時多做會令自己開心的事(我超鍾意睇小説，可以全日都睇個種XD)，今日因明日果，今日你打個仔，它日你自己唸下佢會點對你，唔係話唔好打，但係要令佢明白佢做的事情對與錯(後果)

2.請你自己先唸好有無退路，係咪一定轉都工先，唔係就部署下先，做足萬全準備先再轉，唔知師兄係咪做Data Center如果係的話，可以在上班空餘時學下雲端技術Azure,Amazon,Google Cloud,等等，等學得ok就去考下牌，有唔錯的Cloud知識+牌,都可以搵都中水平或以上人工的工作

4.講真個句，人生在世邊有可能真係事事順利，凡事都有失敗的幾率，就算做足準備去考試都會有機會唔合格，我地可以做的就是事後思考和反省，唸下有邊步在下次同類事件可以做得更好，知要多思考多準備，我相信師兄一定會成功!加油

亞特蘭提斯

比打唔係人人都岩帶 試下除下佢會唔會好d

Merlion_L

師兄的「鬼」應該係自身的「負能量，缺乏自信」！

帶佛牌既然好，面對人生的心態更是重要！師兄可以嘗試不要往壞的想，保持正能量，你會發現身邊的一切會開始轉好，這樣佛牌的功效先能夠發揮出黎！