佛牌亂像 : 你戴緊聖物定賴尿牛丸？

Jason36

你戴緊聖物定賴尿牛丸？


亂像一片，夜光佛牌、59靈粉必打、碰派左溝右溝嘅牌、連串以龍婆匹名義出嘅牌。
龍婆匹係好師傅，係督造滅魔刀聞名龍婆登 唯一仍在世弟子，啲有心人就捉住哩個點，難聽啲講句好似搵到生財機器。
捉住師傅唔會拒絕善信呢點，以師傅名義不停製造「聖物」，身邊有牌商表示過，依家師傅每日都有唔同「聖物」需要開光，每日除咗早晚課、食飯就係開光，開光多到要排期。
師傅承繼 龍婆登滅魔刀法門，有心人當然唔放過，自己造咗一批滅魔刀，又隊俾師傅開光。傳統上係水燈節開光滅魔刀，閒日推箱滅魔刀俾師傅開光一日就出廟，又是否如法？


冇效是少，反效果是大，講到近年興起喺聖物加入碰派，左溝右溝，哩樣其實有危險性。講到點樣係咩聖女、神女，問心啲碰派有冇洗淨到龍婆添、阿贊Jun所造咁嘅水平？將陰性能量完全轉化？
龍婆艮能曾經指出過，現今有的碰派坤平，碰派粉洗唔乾淨（師傅係用洗唔乾淨形容），意指淨化得未夠圓滿、仍然有怨氣，對佩戴者會有負面影響。

                               
登錄/註冊後可看大圖

  

                               
登錄/註冊後可看大圖

                               
登錄/註冊後可看大圖

   

                               
登錄/註冊後可看大圖

                               
登錄/註冊後可看大圖

   

                               
登錄/註冊後可看大圖

                               
登錄/註冊後可看大圖

   

                               
登錄/註冊後可看大圖

伍仔

喜歡龍婆艮能，賣得出嗰個一定唔會有影響，因為批牌佢地一定唔會戴，賣唔出就影響大，因為啲錢返唔到來，師兄睇開啲啦，做好人永遠唔會有好報，無人會多謝你架，要得閒無事，扮下白痴，扮下無知，先會人見人愛，車見車載嘛。Woh!

solian

請一些舊佛牌聖物比較好.........

VANGO

師父自己都有問題，開光時間咁少都接受，市面上多左派x，派x既野，洗得唔好同帶陰牌有何分別！

MartinYuen

其實對聖物略有認識，都唔會去請依類牌，無需要提意提醒，會去請得的人，自有其前因後果，不用去費神.

oscar845

好耐之前唔識野差啲訂咗幾尊聲稱龍婆匹嘅聖物，但個啲就係師兄所講嘅連串以龍婆匹名義出嘅牌
好彩個時無買到

pmxsl

玩具咁，有時四圍白撞入香港牌店，有牌商都稱自己專門幫中學生嘅小朋友搵玩具型佛牌

henryleesh

想問問如果個個用咁既心態而唔請新聖物, 想問下廟/師傅將來會點? 只靠每日化緣? 要建廟或修葺怎算? 聖物收益全歸牌商? 定大家用平常心去供請聖物, 而唔係下下用自身利益去供請聖物.

新聖物我就岩師傅, 岩心水咪供請, 當做功德.

伍仔

pmxsl 發表於 22-10-2021 09:31
玩具咁，有時四圍白撞入香港牌店，有牌商都稱自己專門幫中學生嘅小朋友搵玩具型佛牌 ...

呢個題材未聽過，我反而有興趣知道佢點sell啲學生哥。

伍仔

henryleesh 發表於 22-10-2021 11:38
想問問如果個個用咁既心態而唔請新聖物, 想問下廟/師傅將來會點? 只靠每日化緣? 要建廟或修葺怎算? 聖物收 ...

師兄果然善心滿載，你的心意我估大家應該收到曬，所以善心呢家嘢，真係唔係個個有，最少我冇，呵呵！

不過上面個批牌，如果入左貨而又賣唔出，我也只能慨嘆一句……..點算，唔知道。