有關紅銅材質既佛牌問題

alan8hk

其實一直都有個有關紅銅材質既佛牌問題困擾小弟一段時間.
唔知有無師兄師姐有同樣既問題呢?

紅銅材質既佛牌非常容易氧化變色, 但好多時變色唔係全塊變, 只係一部份變黑, 品相變得唔好.
想問有無咩方法係唔傷牌既情況下令塊牌變得一致?

另外又想問下, 紅銅, 紅銅薰黑, 黑銅, 係咪同一材質?
如果係相同, 紅銅可以點樣"薰黑"呢?

小弟有睇過D資料, 變黑既紅銅係氧化銅, 可以透過加熱加快銅既氧化作用, 但唔敢試住.
另外有一種藥水係可以染黑紅銅, 藥水含有硫既成份, 就變左硫化銅, 都係黑色, 但變左光黑, 唔係平時見開既啞黑.....

變左上化學堂, 哈哈......

malouis

好簡單, 你去五金舖買d紅銅喉配件, 用打火機/火槍, 分別用黃火燒下, 藍火燒下, 睇下效果及分別.

malouis

不過各人有各人喜好, 有d人喜歡金屬牌上有歲月痕跡, 聖水痕跡(氧化黑點黑斑或綠斑), 有人喜歡完美無瑕.

pmxsl

個人喜歡黑色的牌/有歲月味道的牌，但不打算以外物加速氧化，最多只會唔包殼加晒下太陽咁

alan8hk

malouis 發表於 24-8-2020 15:22
好簡單, 你去五金舖買d紅銅喉配件, 用打火機/火槍, 分別用黃火燒下, 藍火燒下, 睇下效果及分別. ...

好方法喎, 唔該師兄

alan8hk

malouis 發表於 24-8-2020 15:27
不過各人有各人喜好, 有d人喜歡金屬牌上有歲月痕跡, 聖水痕跡(氧化黑點黑斑或綠斑), 有人喜歡完美無瑕. ...

如果係聖水造成既就無辦法
但後天既一達達就真係唔好睇....

alan8hk

pmxsl 發表於 24-8-2020 15:31
個人喜歡黑色的牌/有歲月味道的牌，但不打算以外物加速氧化，最多只會唔包殼加晒下太陽咁 ...

其實小弟唔係想加速塊牌既氧化, 只係想塊牌一致D.....

MartinYuen

紅銅又真係好似好多隻色水，例如龍婆滿咁，雙龍自身紅銅、寫瑪紅銅，大家都紅銅做，但前者偏啡黑，後者偏紅橙.

alan8hk

MartinYuen 發表於 25-8-2020 00:21
紅銅又真係好似好多隻色水，例如龍婆滿咁，雙龍自身紅銅、寫瑪紅銅，大家都紅銅做，但前者偏啡黑，後者偏紅 ...

唔知會唔會同銅既純度有關呀？？

Sam1232117

小弟就鐘意塊銅牌帶綠斑好有歲月的痕迹