佛牌與福報

Jason36

曾經聽一位高僧講個故事，用一個比較貼地嘅語言分享：


往昔，喺西藏有一個乞丐，佢專修藏傳佛教嘅財神法（黃財神為南方寶生佛慈悲化現），有一日終於修行成就，親見黃財神現前。
佢心中好不忿，向黃財神問道：「啦，我咁勤修祢嘅法門，點解我今日仲喺咁嘅狀況？」
黃財神：「剛才咪有人佈施嚿酥油俾你。以你往昔、現世所種下嘅福報，我只能夠賜予你一嚿酥油。」


接觸泰國佛牌大約十年，初時果幾年乜都請，一唔順就請，淨係崇笛都三、四塊。後期發覺，唔係所謂「塊牌冇力」，而係個人福報唔夠。


不論擺風水、佩戴佛牌聖物、拜神求財也好，有人求到的多，有人求到的少，全憑個人福報。作個比喻，一面三好的佛牌聖物，就等於一部性能高的名車，但一部再好的車，也需要燃料（福報）開動。


財富福報少，便多行財佈施。無論佈施的錢財、物質多與少也好，福報多少在於發心。
為善不用刻意讓人見，就如禪師答梁武帝：「全無功德」。


心，是一切。

oscaryam

修心就可以遠離癲倒夢想

只要相信

謝謝分享

aver133

MartinYuen

多謝分享，佈施除了心，要實行才可以，有心但不實行，倒不如無心但去做.