超恐怖!褻瀆人肉陰崇笛

ngphoneng

好多人以為崇笛係代表佛祖法相,所以唔會有陰牌?如果係咁諗,以為崇笛就一定係正牌,就實在太睇小陰人嘅褻瀆程度了!佛祖?崇笛?一樣用黎整陰牌!

呢尊極其褻瀆嘅人肉製崇笛,源於某個吉隆坡陰牌商,專門出售極陰重料陰物。實在無法想像,陰人究竟有幾膽大包 ...

呢尊極其褻瀆嘅人肉製崇笛,源於某個吉隆坡陰牌商,專門出售極陰重料陰物。實在無法想像,陰人究竟有幾膽大包天,竟然夠膽用佛祖法相製成超重料極陰牌,冇辦法想像係幾大嘅罪孽!




補充內容 (27-5-2019 09:11):
由無下限無底線嘅陰法陰師所製嘅陰物,用陰邪負面能量所謂"幫助人",成願,如果出售嘅人同你講冇問題唔駛還,或者話只還供品就得,可信嗎?你信嗎?

ngphoneng

抱歉,張圖竟然有地方塗抹漏咗,發現時已經過咗可編輯時間,麻煩有任何版主管理員睇到請幫手處理盡快消去該陰牌商wechat,感謝!

非常抱歉!

brianlychan

好恐怖...

pmxsl

驚驚，謝謝師兄提醒

frankieftc

好可怕，感謝師兄點出

ppp2905

學習學習

ngphoneng

呢個其實唔係個別例子,曾經search崇笛一類嘅牌,都見過有幾件陰牌係用咗崇笛法相。包括有見過一塊牌,表面睇牌肉米白色唔似有問題,法相正經,但原來係用咗死人生骨粒作為材料

如果好似主題呢個咁,因為擺明係重料極陰牌,唔會唔小心中伏,但另外嘅陰崇笛法相,通常係外表好正常,但其實係陰料陰法,同59女靈坤平情況有所相似,呢類如果係對於新手,不幸去咗唔正經嘅牌商度請牌,都容易中伏

ngphoneng

其餘所有正牌法相,例如必打,啦胡,鬼王,象神,四面神,哈努曼,布周......一樣都全部有陰法陰牌,所以全部牌,如果不明來歷唔清楚來源,都一定要好小心,唔請為妙。請到假牌工廠量產牌事少,請到陰牌受害事大

ngphoneng

ppp2905 發表於 27-5-2019 15:56
學習學習

好多嘢都要向呢度各位師兄學習

malouis

唔單只佛牌，任何佛像神像，如果不明來歷，不要隨便參拜，上香，許願，更不要請回家中供奉。
一尊佛像或神像，如果沒經過高僧一連串的誦經入藏加持等儀式，就與一座雕塑擺設無異，胡亂供奉，有機會招引靈體進來，到時自招麻煩。