好文章不能沉
本帖最後由 rambo23 於 25-10-2021 15:48 編輯
我有一個好朋友。相識差唔多十年了。
由識得我開始就要我幫佢請牌。
開始我推薦了三塊牌俾佢
龍婆啤四噴，屈蘇塔藥師佛，龍婆 沙礦坤平
分別同佢介紹一一功效，點解有坤平呢？因為對方係女仔，單身，都想求姻緣
因為佢資金有限，要我強烈推薦其中一款，我便推薦了藥師佛。我係甘講既：“冇任何野重要得過身體健康”
後來經常吃飯交流佛牌或者佛教一D經驗，理論，經常放生，參加一D法會，經常一齊去泰國，度假同去各個寺廟參拜。
十年落黎。請左有十幾塊佛牌了吧。
甚至有D都價值不菲既牌。
但佢總抱怨，帶佛牌係冥冥中有幫助改變佢，但點解都係達唔到佢既期待值。
我回答佢：“你記唔記得你第一塊佛牌幾百蚊你都話手緊，而家你一個月收入幾錢？”佢回答：“兩三萬咯（人民幣）”
我心裡面想，你仲想點啊？我知道佢到底想抱怨咩，但我覺得我冇辦法用語言講到佢可以“頓悟”！所以由得佢啦，各人有個人既緣法。
再後來我發現佢都開始玩FB。留意左下，去好多九唔搭八既討論群，我發現係非常危險既，我提醒左佢好多次。
但於事無補，完全俾人洗左腦。。。。救都救唔翻。。。。
後來居然請左塊依霸。。。。我問佢，你知唔知依霸係泰國係乜人帶噶？佢話唔知，但話非常旺異性緣。。。
我同佢講，你唔掉左塊依霸或者送走佢，大家冇朋友做了，緣盡。。。
我講呢個故事，有感而發，
我自信係收藏佛牌呢個愛好圈層裡面，我對我所有現實朋友既影響力係好大既。
一個認識左十年既人，係我滔滔不絕長江黃河甘灌輸左正確的佛法思想同正牌概念下，
都頂不住D陰人既洗腦，可想而知有幾可怕！
2395阿贊陳 有冇師兄可以貼出來等大家了解吓真牌係咩樣