成功佛真係有求必應【下集】
昨晚講到我求成功佛希望幫個朋友放棄供陰。幾經辛苦
成功遊說佢之後，今日入大
棠寺搵師父請走啲陰牌，不
過真係一波三折…
去之前上網做哂功課，知道
師父鐘意飲咖啡，於是提前
去超巿買左兩盒靚咖啡、一
箱即食麵&幾包餅乾搵師父。
最初見網上啲師兄話近近地
諗住行入去，點知搵左好耐
都搵唔到，問路人又無人知。
搬住箱即食麵又勁唔方便，
個太陽哂到我成隻汪星人咁，
決定搭的士！點知師機大哥
唔熟路，我上網見到寫住南
坑排，就叫師機大佬車左我
去果度。
左入村之後，一路行一路問
當地居民，個個都話有聽過
不過唔知响邊，叫我行入啲
睇下。於是我就越行越入，
接近成粒鐘之後發覺越行越
唔對路，就快上到山，鬼影
都無隻，手機又收唔到定位，
心裡有種被人“老點”既感覺…
于是死死地氣又行番出村口，
當時已經曬到得番半條人命！
手機終於上到網啦，見到大
棠寺個FB專頁，睇番裡面地
圖個GPS，於是又搭番的士
出去，點知～Holy Crab！又
係我一開始搵左好耐果度！
衛星定位難度都可以有錯？
呢個時候真係好無奈、好曬、
好熱、好攰、好想死… 個心
開始焦急，因為之前搞左一
大倫，已經成四點幾，而師
父間廟收五點，如果今日搞
唔掂，我個fd就要直接帶住
啲陰牌過澳門見客。心諗如
果陣間簽成左，覺得啲牌幫
到佢，反悔又唔想請走佢地
咪前功盡廢？！
唔得！所以真係寧可信其有，
我開始同個fd啲陰牌講數，
我同佢地講：我地唔係要帶
你地去師父果度消滅你地，
係希望師父幫你地超渡早日
往生再去投胎，唔需要再被
陰法鎖住响個牌裡面要被迫
幫人做事。如果有得罪請你
地唔好見怪，之前有幫過忙
既亦心存感激，但希望你地
亦唔好留戀塵世，早日安息。
講完之後，我再一次開番個
專頁黎睇，先發現原來上面
有個電話，R爆頭，點解我
之前見唔到架？！打過去聽
電話既應該係泰國人，中文
好流利，不過帶點口音，佢
教我坐紅色小巴，同師機講
响“水蕉新樓”落車。
個師機唔知係咪新黎，本來
想响一個錯既地方放低我，
呢個時候突然一個女乘客同
我講：你地係咪去水蕉新樓
呀？未到呀，陣間你地跟我
一齊落車啦。太好啦！心諗：
Thank God！U're my guiding Angel ！
落車之後就見到有個牌寫住
“大棠寺”，我地跟住個牌指
示既方向入村行左15分鐘左
右，就開始有分岔路口。正
當我地唔知點算既時侯，一
轉身見到有位女士拖住個小
朋友，我都未開聲問，佢就
已經講：你地係咪去泰國廟
呀？
我當堂打左個突：係呀，你
又知既？佢笑笑口咁：我地
呢條村平時陌生人唔多，黎
親既多數都係搵泰國廟架。
心諗：哦～嚇得我丫，BB驚
驚架嗎…
就係咁，我地最後終於都搵
到師父啦～ 我並無意鼓吹大
家迷信，不過有時好多野真
係科學解釋唔到，今日雖然
好辛苦，不過都係值得！
但一切都只係開始，下一個
目標希望佢啲同事都會被佢
感染放棄繼續供陰。
恭喜http://www.unitehk.com//mobcent//app/data/phiz/default/06.pnghttp://www.unitehk.com//mobcent//app/data/phiz/default/06.png
辛苦了
非常好！{:1_212:} 好犀利！師兄導人向善、師兄朋友棄陰投明，還有陰牌中的陰靈有機獲得超渡，真係一家平宜三家著
雖然想多左好多神怪野，但總算係件好事 . . . 同陰牌講數 . . . MartinYuen 發表於 24-7-2016 00:17
雖然想多左好多神怪野，但總算係件好事 . . .
袁兄，我想請問你對陰牌知多少？
製作過程或材料又知道嗎？在你眼
中它不過一件帶有陰法或巫術的死
物，對嗎？如果你這樣想的話，亦
難怪你會有以上單純無知想法。
先不談論純綷用作賣錢，用猴子扮
嬰屍製成的假路過或假陰牌。真正
的陰牌，不論是人為墮胎非法得來
的嬰屍；難產或夭折而死的胎兒或
小孩；去噴場偷取骸骨，直接將天
靈蓋取下來；星期六意外枉死、星
期二火化的人；為製作陰牌而人為
被殺的孕婦……等等等等
黑衣阿贊或巫師會用陰法/巫術將
其靈魂囚禁在陰牌內，傳授鬼通讓
其幫人成願以換取供養或好處。這
些被困的靈魂不得超生進入六道或
從新投胎，怨氣極重。
請記住他們通通都曾經是活生生的
人的靈魂，成為陰牌或墮入鬼道，
很多時候亦並非他們本意。因此它
們並非你眼中死物一件，敬請予以
專重！難道你只信有神，就不信有
鬼了嗎？ 多謝各位師兄留言，由於這幾天工作比較忙，若未有逐一回應名位請勿見怪 鬼有鬼既執著 否則的話佢唔會比人鎖到靈 你既做法好正確 也是我多年所用的方法
頁:
[1]
2