白欖佛牌的故事
本文章最後由 carloskimyan 於 29-6-2016 08:53 編輯曾經聽過一個白欖佛的故事，單野
泰國上哂新聞。不過懶得再上網搵，
如有錯漏請師兄師姐們補充吧，
大概既故事如下：
有架旅遊巴被人騎劫 (唔知恐怖份子定
恐怖份母還是係賊) 用亂槍掃射，車上
本應無一幸免，但奇跡地有一女子衣服
雖被子彈射穿，但身體卻安然無恙，只
出現幾個紅印。
記者訪問之下，先知原來佢老公係一位
虔誠既佛教徙，為左保護老婆，將身上
既白欖佛牌 (唔知第幾期) 除落黎掛在她
頸上才讓她幸免於難。呢個時候大家唔駛
問都應該估到，佢老公當然係壯烈犧牲左，
而個牌亦有如電影情節般碎裂不堪。
聽完呢個故事，大家除左
『哇！白欖佛牌真係好勁呀！』
之餘，又有否其他更深遠想法？
對我而言，故事雖然簡單，但背後意
深遠。亦相信係丈夫犧牲自我保護摯
愛既大無畏精神，才會導致佛牌感應
發出強大念力引發奇跡！
而值得思考既係，女事主身上點解無
佛牌？有可能因為她本身不認同丈夫既
信仰，甚或曾經表示抗拒。試想像她當
時的心情，除了感恩丈夫犧牲自己救了
她一命之餘，相信會係何其後悔不矣！
『點解當初唔信？點解唔聽老公話
乖乖載住個佛牌？如果有兩個佛牌，
老公可能就唔駛死…』
因自從聽完呢個故事之後，我開始不再
猶疑地結緣佛牌比朋友。以前認為如果
對方不信佛牌，當垃圾放一邊反而係對
聖物既一種侮辱。但後來想深一層，既
然一切都係緣，何不今天種下這因，誰
又會知將來這果是如何？
今天種下這恩，將來機緣 一到他們便會
相信。但因為我一個猶疑，欲抹殺了一
個讓人認識佛法既機會，豈不是更罪過？
愛要及時，我真不希望要等到有天故事中
情節再次發生，才讓家人朋友們願意相信。
自此以後，我身上隨時都有兩條佛牌鏈，
方便萬一咁唔好彩出現突發情況，可以
隨時用黎救人。而白欖佛白色聖潔超脫
無瑕既形像，在我心目中便象徵住慈悲、
無私、自我犧牲、捨己為人既深層意義~
補充內容 (29-6-2016 17:05):
最後，故事歸故事，內容是否百份百
真實、佛牌是否一定能刀槍不入並不
重要。重要係故事能否帶出背後意義
引發大家反思以及導出應有正確觀...
補充內容 (29-6-2016 17:06):
正確觀念和向善既心。
我深信心存善念，心誠則靈，再強擋險
法門既佛牌，如載在心存惡念之人身上，
相信亦不過裝飾品一件。持住佛牌庇佑
...
補充內容 (29-6-2016 17:07):
而為非作歹，就算佛牌法門再強，幫你
擋得過一場劫，恩果循環，第二、第三、
第四次… 最終都會報應在你身上 請教樓主帶佛牌一定刀槍不入？
初期接觸佛牌时都有睇過有關記載, 但就無講話係個老公俾塊白欖佛牌佢老婆......等等咁催淚嘅情節 {:1_242:}
係囉, 壇主問得好唷, 帶佛牌吾 guarantee 有預期效果o架喎 {:4_464:}
亞特蘭提斯 發表於 29-6-2016 09:01
請教樓主帶佛牌一定刀槍不入？
壇主呢個問題問得好。亦太高明，
一句說話要以大量文字作回應，
想信亦係巧妙地借一個簡單問題，
引導網友們，帶出對佛牌應有
正確觀念。
如果有細心留意我文章內容，
我指出想信係丈夫自我犧牲既
大無畏精神從而引發奇跡。
我深信心存善念，心誠則靈，
再強擋險法門既佛牌，如載在
心存惡念之人身上，相信亦
不過裝飾品一件。
佛牌經咒法門再強，就算幫你
擋得過一場劫，恩果循環，
第二第三第四次… 最終都會
報應在你身上。 亞特蘭提斯 發表於 29-6-2016 09:01
請教樓主帶佛牌一定刀槍不入？
壇主係高人，用請教呢兩個字太讓人愧不敢當了吧 小小牛 發表於 29-6-2016 09:19
初期接觸佛牌时都有睇過有關記載, 但就無講話係個老公俾塊白欖佛牌佢老婆......等等咁催淚嘅情節...
故事情節是否百份百並不重要，
重要既係故事能帶出背後意義，
引發大家反思，導出應有正確
觀念和向善既心。 nice.....nice share
心誠唔一定幫你, 佛教始終係講因果.
難聽 d 講句, 依家大部份人戴聖物, 想名,想利,想男女朋友, 要好工, 身體又耍健康.
全部都係自身利益行先, 有乜好事做到? 冇 , 有冇去幫下人 ? 有 ~ 將來可能對自己有回報就有幫.
請幾個牌就想一切順利? 唔係掛 . . .
師兄參透能力真的好強
好多謝你深思故事背後的意義，尤其個老公既心念同兩夫妻既關係
今次又受教了 {:1_484:}
頁:
[1]
2